मास्कट एकेडेमीमा देउसी–भैलो कार्यक्रम सम्पन्न।

मन्सुर खान बिरगंज कात्तिक १ गते । मास्कट एकेडेमीमा देउसी–भैलो कार्यक्रम सम्पन्न। वीरगञ्ज मास्कट एकेडेमी, कुमारहटटोल–५, वीरगञ्जमा आज विद्यालय परिसरमा अन्तर सदन देउसी–भैलो कार्यक्रम सम्पन्न भएको छ। विद्यालयले विद्यार्थीहरूमा सांस्कृतिक सम्पदाको संरक्षण र प्रोत्साहनका लागि हरेक वर्षजस्तै यस वर्ष पनि यो कार्यक्रम आयोजना गरेको हो।कार्यक्रममा विद्यार्थीहरूले परम्परागत पोशाकमा देउसी–भैलो गीत तथा नृत्य प्रस्तुत गर्दै नेपाली संस्कृतिको विविधता झल्काएका थिए। विद्यालयका शिक्षक, अभिभावक तथा आमन्त्रणित अतिथिहरूको उपस्थितिले कार्यक्रमलाई अझ आकर्षक बनाएको थियो।विद्यालय प्रशासनका अनुसार यस्ता कार्यक्रमहरूले विद्यार्थीहरूमा सांस्कृतिक चेतना र एकता अभिवृद्धि गर्न सहयोग पुर्‍याउँछ।