आम जनता पार्टीबाट मोहम्मद इस्तखारको पर्सा–३ बाट उम्मेदवारी दाबी

मन्सुर खान बिरगंज पुस २७ गते । आम जनता पार्टीका नेता मोहम्मद इस्तखारले प्रतिनिधि सभा निर्वाचन २०८२ मा पर्सा क्षेत्र नं.३ बाट प्रतिनिधि सभा सदस्यमा उम्मेदवारी दिने दाबी गरेका छन्।आफू स्थानीय स्तरमा जनतासँग नजिकको सम्बन्ध बनाउँदै आएको र पार्टीभित्र पनि सकारात्मक छवि कायम रहेको बताउँदै उनले पार्टीले टिकट दिनेमा आफू विश्वस्त रहेको बताएका छन्।म लामो समयदेखि पर्सा क्षेत्र नं.३ का स्थानीयवासीहरूसँग प्रत्यक्ष रूपमा जोडिँदै आएको छु। जनताको समस्या, आवश्यकता र अपेक्षा मैले नजिकबाट बुझेको छु,” उनले भने, “पार्टीको नीति, सिद्धान्त र संगठन विस्तारमा गरेको योगदानका कारण पार्टीले मलाई उम्मेदवार बनाउने विश्वास लिएको छु।उनका अनुसार यदि पार्टीले उम्मेदवारी दिएमा जनताको हित, विकास र सुशासनलाई केन्द्रमा राखेर चुनावी प्रतिस्पर्धामा उत्रिने तयारी रहेको छ।पर्सा क्षेत्र नं.३ मा आगामी प्रतिनिधि सभा निर्वाचनलाई लिएर राजनीतिक सरगर्मी बढ्दै गएको छ भने विभिन्न दलबाट आकांक्षीहरूको गतिविधि समेत तीव्र बन्दै गएको छ।