आनन्द पटेल क्रियाशील युवा पत्रकार मञ्च नेपालका अध्यक्षमा निर्विरोध निर्वाचित, वीरगञ्जमा विशेष सम्मान प्रदान

मन्सुर खान बिरगंज जेठ ७ गते । क्रियाशील युवा पत्रकार मञ्च नेपालको अध्यक्षमा निर्विरोध निर्वाचित भएका हिन्दु पत्रकार संघका केन्द्रीय कोषाध्यक्ष तथा सञ्चार क्षेत्रमा सक्रिय युवा पत्रकार आनन्द पटेल लाई वीरगञ्जमा आयोजित एक विशेष कार्यक्रममा सम्मान गरिएको छ।उक्त कार्यक्रममा उनलाई टीका, माला तथा गम्छा लगाई सम्मान गरिएको हो। कार्यक्रममा सहभागी वक्ताहरूले पत्रकारिता क्षेत्रको विकास, युवा पत्रकारहरूको क्षमता अभिवृद्धि तथा संगठनात्मक नेतृत्वमा आनन्द पटेलले महत्वपूर्ण भूमिका निर्वाह गर्ने विश्वास व्यक्त गरेका थिए।राजन रौनियार को अध्यक्षतामा सम्पन्न कार्यक्रममा सहभागीहरूले नव निर्वाचित अध्यक्ष पटेललाई सफल कार्यकालको शुभकामना दिएका थिए।कार्यक्रममा हिन्दु पत्रकार संघका उपाध्यक्ष बिनोद पटेल, राकेश साह, कन्हैया पटेल, सन्तोष कुश्वाहा,अनिल ओझा,अर्जुन चौधरी लगायत पदाधिकारी तथा पत्रकारहरूको विशेष उपस्थिति रहेको थियो।सम्मान कार्यक्रममा बोल्दै आनन्द पटेलले आफूलाई प्रदान गरिएको सम्मानले थप जिम्मेवार र उत्साहित बनाएको उल्लेख गर्दै पत्रकारहरूको हकहित, पेशागत सुरक्षा तथा निष्पक्ष पत्रकारिताको प्रवर्द्धनका लागि निरन्तर सक्रिय रहने प्रतिबद्धता व्यक्त गरे।