CIB प्रमुख एआईजी उमा चतुर्वेदीद्वारा मानव बेचबिखन अनुसन्धान ब्यूरोको निरीक्षण

मन्सुर खान बिरगंज भदौ २४ गते । CIB प्रमुख एआईजी उमा चतुर्वेदीद्वारा मानव बेचबिखन अनुसन्धान ब्यूरोको निरीक्षण  काठमाडौं । नेपाल प्रहरी केन्द्रीय अनुसन्धान ब्यूरो (CIB) की प्रमुख प्रहरी अतिरिक्त महानिरीक्षक (एआईजी) उमा चतुर्वेदीले बबरमहलस्थित मानव बेचबिखन अनुसन्धान ब्यूरोको निरीक्षण भ्रमण गर्नुभएको छ।निरीक्षणका क्रममा एआईजी चतुर्वेदीले ब्यूरोको समग्र कार्यसम्पादन तथा अनुसन्धान गतिविधिबारे जानकारी लिनुभएको थियो।उहाँले ब्यूरोमा कार्यरत प्रहरी अधिकारी तथा कर्मचारीहरूसँग समसामयिक र सान्दर्भिक विषयमा छलफल गर्दै आवश्यक निर्देशनसमेत दिनुभयो।मानव बेचबिखनजस्तो संवेदनशील अपराधको अनुसन्धानलाई थप प्रभावकारी बनाउन तथ्यमा आधारित अनुसन्धान, पीडितमैत्री व्यवहार तथा व्यावसायिक कार्यशैलीलाई प्राथमिकता दिन उहाँले निर्देशन दिनुभयो।एआईजी चतुर्वेदीले प्रहरी कर्मचारीहरूले आफ्नो जिम्मेवारी उच्च व्यावसायिकता, इमानदारिता, अनुशासन र दृढ मनोबलका साथ निर्वाह गर्नुपर्नेमा जोड दिनुभयो।