डीआईजी ओम अधिकारीद्वारा जिल्ला प्रहरी कार्यालय पर्साको निरीक्षण, प्रहरीलाई निर्देशन

मन्सुर खान बिरगंज भदौ २९ गते । डीआईजी ओम अधिकारीद्वारा जिल्ला प्रहरी कार्यालय पर्साको निरीक्षण, प्रहरीलाई निर्देशन वीरगञ्ज । मधेश प्रदेश प्रहरी प्रमुख प्रहरी नायव महानिरीक्षक (डीआईजी) ओम प्रसाद अधिकारीले जिल्ला प्रहरी कार्यालय पर्साको अनुगमन तथा निरीक्षण गर्नुभएको छ।डीआईजी अधिकारीले जिल्ला प्रहरी कार्यालय पर्साको समग्र प्रहरी सेवा प्रवाह, शान्ति–सुरक्षाको अवस्था तथा प्रशासनिक व्यवस्थापनबारे जानकारी लिनुभएको हो।निरीक्षणका क्रममा उहाँले कार्यालयको भौतिक अवस्था, थुनुवा कक्ष, मालसामान भण्डारण तथा विभिन्न शाखाहरूको वस्तुस्थिति निरीक्षण गर्नुभएको थियो।निरीक्षणपछि डीआईजी अधिकारीले कार्यरत सकल दर्जाका प्रहरी कर्मचारीहरूलाई कार्यसम्पादनलाई थप चुस्त, प्रभावकारी र व्यवस्थित बनाउन आवश्यक पृष्ठपोषण तथा निर्देशन दिनुभएको छ।उहाँले नागरिकलाई प्रभावकारी प्रहरी सेवा प्रदान गर्दै शान्ति–सुरक्षा कायम गर्न व्यावसायिक र जिम्मेवार ढंगले कार्यसम्पादन गर्न प्रहरी कर्मचारीहरूलाई निर्देशन दिनुभएको बताइएको छ।