गरिमा चौधरी हत्या प्रकरणविरुद्ध जेनजी–युथ अफ बाराको प्रदर्शन

मन्सुर खान बिरगंज भदौ २९ गते । गरिमा चौधरी हत्या प्रकरणविरुद्ध जेनजी–युथ अफ बाराको प्रदर्शन कलैया । बाराको सिमरामा ३ वर्षीया बालिका गरिमा चौधरीको बलात्कारपछि हत्या प्रकरणमा आरोपीहरूलाई धरौटी तथा तारेखमा रिहा गरिएको भन्दै जेनजी एण्ड युथ अफ बाराले सोमबार बाराको सदरमुकाम कलैयामा विरोध प्रदर्शन गरेको छ।मासूम गरिमालाई न्याय देऊ’, ‘बलात्कारीलाई फाँसी देऊ’ लगायतका नारासहित युवा तथा विद्यार्थीहरू स्वतःस्फूर्त रूपमा सडकमा उत्रिएका थिए। प्रदर्शनकारीहरूले कलैया बजार परिक्रमा गर्दै विरोध जुलुस निकालेका थिए।अदालतको प्रारम्भिक आदेशप्रति तीव्र असन्तुष्टि जनाउँदै प्रदर्शनकारीहरू बारा जिल्ला अदालतका नम्बर १ न्यायाधीशको निवास नजिक पुगेर समेत न्यायको माग गर्दै दबाबमूलक नाराबाजी गरेका थिए।प्रदर्शनकारीहरूले गरिमा चौधरीलाई न्याय दिलाउन र बलात्कार तथा हत्या जस्तो गम्भीर अपराधमा संलग्न आरोपितमाथि कडा कानुनी कारबाही गर्न माग गरेका छन्।