धनुषामा प्रहरीले गोली चलाएर नियन्त्रणमा लियो लागुऔषध कारोबारी, एक घाइते

मन्सुर खान बिरगंज साउन २९ गते । धनुषामा प्रहरीले गोली चलाएर दुई जना लागुऔषध कारोबारीलाई नियन्त्रणमा लिएको छ । लागुऔषध नियन्त्रण ब्युरोको टोलीले बुधबार मिथिला नगरपालिका-२ बाट दुई जनालाई पक्राउ गरेको जनाएको छ । ब्युरोबाट प्रहरी निरीक्षक राकेश यादव र वरिष्ठ सई बालकृष्ण संजेल नेतृत्वको टोलीले दुई जनालाई पक्राउ गरेको हो । प्रहरीले एक राउण्ड हवाई फायर र अर्को पटक लागुऔषध कारोबारीमाथि प्रहार गरेको हो । प्रहरीले पटकपटक कारोबारमा संलग्न हुने पप्पु साहलाई पक्राउ गरेको छ। अर्का एक जना महिला पनि नियन्त्रणमा छन् । पप्पुको घुँडामुनि गोली लागेर घाइते भएका छन्। उनीहरूबाट २२५ ग्राम खैरो हेरोइन बरामद भएको छ । पप्पु लागुऔषधकै कारोबार गरेको मुद्दामा ८ वर्ष जेल बसिसकेका छन्।