एलओडी फेरि बन्यो विश्वकै उत्कृष्ट ५० औं क्लब

मन्सुर खान बिरगंज बैशाख २५ गते । ठमेलस्थित एलओडी क्लब (नाइट क्लब) फेरि विश्वकै उत्कृष्ट क्लबमध्ये ५० औं स्थानमा परेको छ । केही समय अघि क्लब डिजे म्याग टप १०० को नोमिनेसनमा परेको थियो । युकेस्थित डिजे म्यागले छनौट गर्ने सन् २०२३ का लागि सय उत्कृष्ट क्लब क्याम्पियनमा एलओडी ५० औं स्थानमा परेको हो । यसअघि क्लब ४९ र ५२ औं स्थानमा परेको थियो ।म्यागमा विश्वभरका सय उत्कृष्ट डिजे क्लबको सहभागीता रहने गर्छ। डिजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्ने गर्छ । टप १०० क्लबको सूचीमा पर्न एलओडीले केही समयअघि भोट गर्न अपिल गरेको थियो । यसअघि सन् २०२२ का लागि एलओडी सय क्लबले ५२ औं स्थानमा प्रवेश पाएको थियो । यस पटक पनि एलओडी डिजे म्याग टप १०० को छनौट भएर ५० औं स्थानमा पर्न सफल भएको क्लबका सहसंस्थापक भूपेन कुँवरले बताए । उनका अनुसार क्याम्पियनमा पाँच सय क्लब सहभागी भएका थिए । केही दिनअघि विश्वका उत्कृष्ट क्लबहरूको श्रेणी स्थान सार्वजनिक गरिएको हो । सय वटा उत्कृष्ट सय क्लबको सयौँभित्र छनौटमा पर्दा क्लब व्यवसायीहरूले पनि राष्ट्रको नाम चिनाउन सक्ने उनको भनाइ छ । काठमाडौं आउने एलओडी क्लब खोजी गर्नेको पनि संख्या बढिरहेको उनले बताए । क्लबलाई उत्कृष्ट स्थानमा पार्न सबै जनाको साथ र सहयोग रहेको कुँवरले उल्लेख गरे । रात्रीकालीन जीवनका पारखीहरू तथा विदेशी पर्यटकहरूलाई यस क्लबले झनै आकर्षण गर्न सक्ने उनले बताए । अहिले ठमेल २४ सै घण्टा खुला गर्ने निर्णय सरकारले गरेको छ । यसले गर्दा नाइट लाइफमा रमाउनेहरू तथा व्यवसायी पनि उत्साहित छन् ।