ट्राफिक जनचेतनामूलक कार्यक्रम–२०८३ समापन, दुर्घटना पीडितप्रति दीप प्रज्वलनसहित श्रद्धाञ्जली

मन्सुर खान बिरगंज असार १० गते । ट्राफिक जनचेतनामूलक कार्यक्रम–२०८३ समापन, दुर्घटनामा ज्यान गुमाएकाप्रति दीप प्रज्वलनसहित श्रद्धाञ्जली जिल्ला ट्राफिक प्रहरी कार्यालय पर्साको नेतृत्वमा असार १ गतेदेखि सञ्चालन हुँदै आएको “ट्राफिक जनचेतनामूलक कार्यक्रम–२०८३ को समापन समारोह वीरगञ्जको घण्टाघर अगाडि रहेको स्वर्गीय तिवारी बाबाको सालिक परिसरमा सम्पन्न भएको छ।समापन कार्यक्रममा सहभागीहरूले एक मिनेट मौनधारण गर्दै दीप प्रज्वलन गरेका थिए। विभिन्न समयमा सवारी दुर्घटनामा परी ज्यान गुमाएका मृतकहरूप्रति श्रद्धाञ्जली अर्पण गर्दै सुरक्षित यातायात र ट्राफिक नियम पालनाको प्रतिबद्धता व्यक्त गरिएको थियो।जिल्ला ट्राफिक प्रहरी कार्यालय पर्साका प्रमुख दीपेन्द्र श्रेष्ठको अध्यक्षतामा सम्पन्न कार्यक्रममा पर्साका प्रमुख जिल्ला अधिकारी भोला दाहाल प्रमुख अतिथिका रूपमा सहभागी हुनुभएको थियो।कार्यक्रममा जिल्ला प्रहरी कार्यालय पर्साका प्रमुख, सशस्त्र प्रहरी बलका प्रमुख, नेपाल सेना, नेपाल प्रहरी, सशस्त्र प्रहरी बलका प्रतिनिधिहरू, विभिन्न संघसंस्थाका पदाधिकारी, सञ्चारकर्मी तथा स्थानीय सर्वसाधारणको उल्लेखनीय सहभागिता रहेको थियो।समारोहमा वक्ताहरूले ट्राफिक नियमको पालना, सडक सुरक्षा तथा दुर्घटना न्यूनीकरणका लागि सबै पक्षको साझा प्रयास आवश्यक रहेकोमा जोड दिएका थिए। सातादिनसम्म सञ्चालन गरिएको जनचेतनामूलक कार्यक्रमले ट्राफिक सचेतना अभिवृद्धिमा सकारात्मक योगदान पुर्‍याएको विश्वास व्यक्त गरिएको छ।