गाँउ सभाबाट म्याद थपने सहमति पछि कालिकामाई गाउँपालिकाको तालाबन्दी खोलियो

मन्सुर खान बिरगंज भदौ ८ गते । गाँउ सभाबाट म्याद थपने सहमति पछि कालिकामाई गाउँपालिकाको तालाबन्दी खोलियो वीरगन्ज ७ भदौ पर्साको कालिकामाई गाँउपालिका कार्यालयमा करारका कर्मचारीहरू म्याद थपने सहमति पछि पालिका कार्यालयमा भएको खोलिएको छ । शुक्रबार जिल्ला प्रहरी कार्यालय पर्सामा जनप्रतिनिधिहरू बिच भएको आन्तरिक सहमति पछि तालाबन्दी खोलिएको हो । अगामी भदौ १९ गते पालिकाको गाउँसभा गर्ने र गाँउसभाबाटै निर्णय गरेर कर्मचारीहरुको म्याद थप्ने सहमति पश्चात तालाबन्दी खोलिएको वडा नम्बर ३ का अध्यक्ष संजय पटेलले बताउनु भयो । पालिका अध्यक्षले मनोमानी तरिकाले केही कर्मचारी हटाएपछि कर्मचारीहरू बिगत १४ दिन देखि ९ जना स्वास्थ्य सेवाका कर्मचारीहरु गाँउपालिका कार्यालय अगाडी शान्तिपुर्ण धर्ना दिदै आएका थिए । ९ वर्ष अगाडि तत्कालीन स्वास्थ्य निर्देशनालयले न्युक्त गरेको ६ जना र पालिकाले आफ्नो आवश्यकता अनुसार न्युक्त गरेको २ जना कर्मचारीलाई हटाएर पालिका अध्यक्षले सो ठाउमा आफ्नो कार्यकता भर्ना गर्न खोजेपछि आन्दोलन सुरू भएको थियो । तत्कालीन जिल्ला जनस्वास्थ्य कार्यालय बाट करिब ९ वर्ष अगाडि स्वास्थ्य चौकीको कार्यालयमा नियुक्त भएर काम गर्दै आएका कर्मचारीहरूलाई पालिका स्थापना भएपछि निरन्तरता दिईएको थियो । उनिहरू संघिय सरकारको अनुदान रकमबाट तलब पाउदै आएका छन । तर पालिका अध्यक्षले पालिकालाई भार परेको भन्दै उनिहरूको म्याद थपेका थिएनन् आयोगबाट दरबन्दी कायम भएर नआए सम्म उनिहरूलाई निरन्तरता दिने पालिकाको तत्कालीन बोर्ड निर्णय गरि उनिहरूले निरन्तरता पाएका थिए । जिल्ला प्रहरी कार्यालय पर्साका प्रमुखको कार्यकक्षमा भएको वार्तामा पालिका अध्यक्ष बशिष्ठ कुमार उपाध्यक्ष राजमती देबी वडा १ का अध्यक्ष लालबाबु चौरसिया २ का अध्यक्ष सोनालाल चौरसिया ३ का संजय पटेल ४ का संजय साह र ५ का अध्यक्ष जयनरायण पटेल सहभागी रहेका थिए ।