जेनजी आन्दोलनमाथि दमन भए कानुनी लडाइँ लड्न तयार अधिवक्ता मेराज मियाँ

मन्सुर खान बिरगंज असोज १० गते । बिरगंज अधिवक्ता मेराज मियाँले पर्सा जिल्लासहित नेपालभर भइरहेका आन्दोलनमा कुनै पनि सरकार वा प्रहरी प्रशासनले आन्दोलनलाई दमन गर्ने वा कानून विपरीत गतिविधि गर्ने खण्डमा आफू निःशुल्क कानुनी सहयोग गर्न तयार रहेको घोषणा गरेका छन्।पर्सा जिल्ला अदालत, बिरगंजबाट सार्वजनिक गरिएको विज्ञप्तिमा उनले अन्यायपूर्ण तथा गैरकानुनी कार्यलाई सहन नगर्ने स्पष्ट गर्दै पीडित पक्षको पक्षमा अदालतमा निःशुल्क रूपमा मुद्दा लड्न प्रतिवद्ध रहेको जनाएका छन्।उनले आन्दोलनकारी वा सर्वसाधारणलाई अन्याय हुने खालका कुनै पनि कदम अस्वीकार्य हुने बताउँदै कानूनको शासन र नागरिकको हक–अधिकारको पक्षमा सदैव उभिने प्रतिज्ञा गरेका छन्।