जनसूचना न्यूजका सम्पादक आलम कदर-पत्रबाट सम्मानित

मन्सुर खान बिरगंज साउन ४ गते । जनसूचना न्यूजका सम्पादक आलम कदर-पत्रबाट सम्मानित वीरगञ्ज, जनसूचना मिडिया प्रा.लि. पर्साद्वारा सञ्चालित जनसूचना न्यूज डटकमका सम्पादक तथा नेपाल मुस्लिम पत्रकार संघ, पर्साका सह-सचिव रसीद आलमलाई सशस्त्र प्रहरी बल, नेपाल नं.१३ गण हे.क्वा. पर्साले कदर-पत्रबाट सम्मानित गरेको छ । सशस्त्र प्रहरी उपरीक्षक राधेश्याम धिमालले आलमलाई कदर-पत्र प्रदान गर्दै सम्मान गरेका हुन्। उक्त कदर-पत्रमा जिल्ला भित्र सशस्त्र प्रहरीले सञ्चालन गरेका विविध गतिविधिहरू र उपलब्धिहरूलाई आम पाठकसमक्ष प्रभावकारी रूपमा सम्प्रेषण गर्न आलमले पुर्‍याएको उल्लेखनीय योगदानको उच्च मूल्याङ्कन गरिएको उल्लेख छ। एसपी धिमालद्वारा हस्ताक्षरित कदर-पत्रमा भनिएको छ सशस्त्र प्रहरी बल, नेपाल नं.१३ गण हे.क्वा. पर्साले कानून प्रदत्त कार्यदिशा अनुसार जिल्लामा सञ्चालन गरेका विभिन्न क्रियाकलाप र हाँसिल गरेका उपलब्धिहरूलाई आम पाठकसमक्ष सम्प्रेषण गर्न यहाँले पुर्‍याउनु भएको योगदानको उच्च मूल्याङ्कन गर्दै स-धन्यवाद यो कदर-पत्र प्रदान गरिएको हो । आगामी दिनहरूमा समेत यसैगरी निरन्तर सहयोग प्राप्त हुने अपेक्षा गर्दै यहाँको उत्तरोत्तर प्रगति एवं उज्वल भविष्यको कामना गर्दछु । एसपी धिमालको सरुवा भई सशस्त्र प्रहरी प्रधान कार्यालय, काठमाडौं जान लागिएको छ भने उनका स्थानमा एसपी पुरन चन्द भट्ट पर्सामा आएका छन् ।