काठमाडौंमा जेन-जी आन्दोलनमा गोली लागेर वीरगञ्जका असहाब आलमको मृत्यु

मन्सुर खान बिरगंज भदौ २८ गते । काठमाडौंमा जेन-जी आन्दोलनमा गोली लागेर वीरगञ्जका असहाब आलमको मृत्यु । राजधानी काठमाडौंमा जारी जेन-जी आन्दोलनका क्रममा गोली लागेर वीरगञ्ज महानगरपालिका–१२ मुर्लीका २२ वर्षीय असहाब आलम ठकुराईको मृत्यु भएको छ।परिवारका अनुसार आन्दोलनका क्रममा आलमलाई छाती र पेटमा दुई गोली लागेको थियो । गम्भीर घाइते भएका उनलाई तत्कालै शिक्षण अस्पतालमा उपचारका लागि लगिएको भए पनि उनको त्यहाँ मृत्यु भएको पुष्टि गरिएको छ। मृतक आलमको शव आजै वीरगञ्ज ल्याइने तयारी भइरहेको उनका परिवारजनले जनाएका छन्। आकस्मिक निधनपछि परिवार तथा स्थानीय क्षेत्रमा शोकको वातावरण छाएको छ।परिवारजनले आन्दोलनकै बीचमा शिक्षण अस्पतालमा आलमको शव भेटिएको र गोली लागेर मृत्यु भएको पुष्टि भएको बताएका छन्।