काठमाडौंमा पेस्तोलसहित एक जना पक्राउ परेका छन् ।

मन्सुर खान बिरगंज साउन ३० गते । काठमाडौंमा पेस्तोलसहित एक जना पक्राउ परेका छन् । काठमाडौं धादिङ त्रिपुरा सुन्दरी गाउँपालिका-१ घर भई काठमाडौं महानगरपालिका-१६ च:मती बस्ने शिवराज दराई पक्राउ परेका हुन् । उनलाई प्रहरी वृत बालाजुको टोलीले शुक्रबार पक्राउ गरेको हो । उनको साथबाट एक थान पेस्तोल, म्याग्जिन २ थान,७ थान गोली राउण्ड बरामद गरिएको जिल्ला प्रहरी परिसर काठमाडौंका एसपी अपिलराज बोहराले जानकारी दिए । उनका अनुसार शिवराजविरूद्ध प्रहरी वृत्त कीर्तिपुरबाट २०७८ असोज १८ गते अभद्र मुद्दा र २०८० कात्तिक १९ गते लागुऔषध मुद्दा चलेको देखिएको छ । यस घटनामा थप अनुसन्धान भइरहेको छ।