केन्द्रीय अनुसन्धान ब्यूरो (सीआईबी) काे १५ औं वार्षिकोत्सव कार्यक्रम सम्पन्न

मन्सुर खान बिरगंज साउन १ गते । केन्द्रीय अनुसन्धान ब्यूरो (सीआईबी) काे १५ औं वार्षिकोत्सव कार्यक्रम सम्पन्न सीआईबी आफ्नो स्थापनाको १५ वर्ष पुरा गरेको छ । बिहीबार नक्साल स्थित प्रहरी प्रधान कार्यालयमा एक कार्यक्रम आयोजना गरेर ब्युरोले आफ्नो स्थापना दिवस मनाएको हो । आईजीपी दिपक थापाले ब्युरोको स्थापना दिवसको उद्घाटन गरेका छन् । सीआईबी विशिष्टीकृत इकाई भएको हुनाले त्यहाँ काम गर्ने प्रहरी कर्मचारी उच्च व्यावसायिक, नैतिकवान् र चरित्रवान् हुनुपर्ने आईजीपी थापाले बताए । ब्युरोले प्रकाशन गरेको सीआईबी म्यागेजिन आईजीपी थापाले विमोचन गरेका छन् । ब्युरो २०६७ साल साउन १ मा स्थापना भएको थियो । ब्युरोका प्रथम निर्देशक पूर्व एआईजी राजेन्द्र सिंह भण्डारी हुन् । पूर्व आईजीपी तथा ब्युरोका पूर्व प्रमुख उपेन्द्रकान्त अर्यालले ब्युरोले जेटको स्पिडमा काम सुरु गरेको बताए । उनले भने,व्यावसायिक धर्म नछाड्ने अधिकृत नै अनुसन्धानमा सफल हुन्छन् ।