नक्सालस्थित भाटभटेनी स्टोर भत्काउँदै गर्दा एक जना कामदार च्यापिए

मन्सुर खान बिरगंज कात्तिक २३ गते । काठमाडौंको नक्सालमा रहेको भाटभटेनी सुपरमार्केटमा भवन भत्काउनेक्रममा फसेका अर्का मजदुरको पनि उद्धार भएको छ।आइतबार दिउँसो साढे ३ बजेतिर भाटभटेनीको भग्नावशेष पर्खाल अख्तियार दुरूपयोग अनुसन्धान आयोगको भवनतर्फ खसेको हो।उक्त पर्खाल खस्दा यसअघि घाइते भएका दुई जनाको उद्धार गरी अस्पताल पठाएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।त्यही मुनि फसेका अर्का घाइतेको पनि उद्धार भएको उनले जानकारी दिए।तीनै जनाको उपचार टिचिङ अस्पतालमा भइरहेको छ।घाइते हुनेमा हेटौंडाका २५ वर्षीय दिपक तामाङ, ३३ वर्षीय राजकुमार स्याङ्तान र ३१ वर्षीय बिजय पाख्रिन छन्।दीपकको दुबै हात र खुट्टामा चोट लागेको छ। स्याङ्तानको टाउको र दुबै खुट्टा र पाख्रिनको टाउको, दुबै हात र दुबै खुट्टामा चोट लागेको छ।