पर्सा :एसपी ढुंगेलद्वारा कमाण्ड सम्हालनेबित्तिकै अबैध हतियारधारी कटुवा पेस्तोलसहित दुईजना पक्राउ।

मन्सुर खान बिरगंज फागुन १० गते । फागुन ९ गते राती १०:३० मा विशेष सूचनाको आधारमा बहुदरमाई नगरपालिका ९ बाट कटुवा पेस्तोल १ थानसहित २ जनालाई पक्राउ गरेको पर्सा प्रहरीले जनाएको छ।पक्राउ पर्नेहरूमा कालिकामाई गाउँपालिका ५ कटिबलुवा बस्ने ४३ वर्षीय दिपेन्द्र गिरी र पोखरिया नगरपालिका ९ बैरियाबिर्ता बस्ने ३७ वर्षीय शिवपुजन मुखिया रहेका छन् । जिल्ला प्रहरी कार्यालय पर्साबाट खटिएको प्रहरीले ना.१२ प ४९७१ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पेस्तोलसहित पक्राउ गरेको हो । पक्राउ परेका निजहरू विरुद्ध हातहतियार सम्बन्धी कसूरमा थप अनुसन्धान तथा कारवाही भैरहेको जिल्ला प्रहरी कार्यालय पर्सा ले जनाएको छ।