राैतहटमा मनि ट्रान्सफर सञ्चालकमाथि गोली प्रहार, तीन भारतीय पक्राउ

मन्सुर खान बिरगंज  चैत्र २ गते । रौतहटको परोहा नगरपालिका–९ खापचोकमा मनि ट्रान्सफर संचालकमाथि गोली प्रहार भएको छ। खापचोकस्थित शिवम् मनि ट्रान्सफरमा लुटपाटका क्रममा लुटेराहरुले संचालक २६ वर्षीय नितेश साहलाई गोली प्रहार गरेका हुन्।शुक्रबार दिउँसो हतियारसहित मोटरसाइकलमा आएको तीनजनाको समूहले मनी ट्रान्सफर सञ्चालक साहलाई धम्क्याउँदै लुटपाट गर्यो। सो क्रममा लुटेरा समूहले साहलाई गोली प्रहार गरेको हो । गोली साहको कान छेडेर बाहिर निस्केको प्रहरीले जनाएको छ।जिल्ला प्रहरी कार्यालय रौतहटका प्रवक्ता तथा डीएसपी एलिजा गिरिले घाइतेलाई उपचारका लागि वीरगन्ज पठाइएको बताइन्। लुटपाटमा संलग्नलाई तीनजना पक्राउ परेका प्रवक्ता तथा डीएसपी गिरिले जानकारी दिइन्।पक्राउ पर्ने तीनैजना भारतीय नागरिक हुन्। भारत मोतिहारीका मुनिशकुमार यादव,राजनकुमार पासवान र चन्द्रभान सिंहलाई प्रहरीले पक्राउ गरेको छ। रकम लुटपाट गरेर भागेका उनीहरूलाई प्रहरीले एक थान पेस्तोलसहित घटनाको केही बेरमै नियन्त्रणमा लिएको हो। प्रहरीले घटनामा प्रयोग भएको मोटरसाइकल पनि बरामद गरेको छ।