रसुवा बाढीपीडितका लागि डा.अबुल हुसेन अन्सारीद्वारा रु.५ लाख १ हजार सहयोग

मन्सुर खान बिरगंज भदौ १५ गते । रसुवा बाढीपीडितका लागि डा.अबुल हुसेन अन्सारीद्वारा रु.५ लाख १ हजार सहयोग रसुवामा आएको विनाशकारी बाढीबाट प्रभावित नागरिकहरूको उद्धार, राहत तथा पुनःस्थापनाका लागि डा.अबुल हुसेन अन्सारीले प्रधानमन्त्री दैवी प्रकोप उद्धार कोषमा रु.५ लाख १ हजार आर्थिक सहयोग गरेका छन्।यसअघि पनि डा.अन्सारीको टोलीले बाढी प्रभावित क्षेत्रमा रु.३ लाख बराबरको अत्यावश्यक औषधि तथा मेडिकल सामग्री सहयोग गरिसकेको थियो।डा.अन्सारीले विपत्तिको यस कठिन घडीमा बाढीपीडितहरूको राहत तथा पुनःस्थापनाका लागि सबै क्षेत्रबाट सहयोगको हात अगाडि बढाउन आवश्यक रहेको बताएका छन्।उनले सबैलाई आ–आफ्नो क्षमता अनुसार सहयोग गर्न आग्रह गर्दै भने, मैले सकेको सहयोग गरेँ, हजुरहरू पनि सकेको सहयोग गरौँ।विपत्तिको समयमा एक नेपालीले अर्को नेपालीलाई साथ र सहयोग गर्नुपर्नेमा जोड दिँदै उनले सबैलाई मानवीय सेवामा एकजुट हुन अपिल गरेका छन्।विपत्तिमा एक नेपालीले अर्को नेपालीलाई साथ दिऔँ,उनले भने।